Ky program synon të:

• Të formojë specialistë të kualifikuar në fushat e programimit, teknologjisë së informacionit dhe menaxhimit, duke ofruar njohuri të thelluara në programim, konceptet ekonomike dhe menaxhimit, përpunimin dhe sigurinë e të dhënave, rrjetet dhe sistemet e informacionit, si dhe zhvillimin e programeve kompjuterike dhe aplikacioneve web të përshtatura për biznese, organizata dhe institucione.

• Të përgatisë specialistë të aftë për të zhvilluar, menaxhuar dhe mirëmbajtur sisteme dhe aplikacione të ndryshme në përputhje me nevojat e bizneseve dhe entiteteve të tjera që operojnë në sistemin e agrobiznesit.

• Të zhvillojë tek specialistët e rinj aftësitë dhe cilësitë e nevojshme për marrjen e vendimeve dhe zgjidhjen e problemeve në ndërmarrjet e sektorit të agrobiznesit, me fokus të veçantë në integrimin e tyre me teknologjitë e informacionit dhe komunikimit (TIK).

• T’u ofrojë studentëve mjete dhe metoda për analizimin dhe interpretimin e të dhënave në funksion të planifikimit strategjik si edhe funksioneve të tjera menaxheriale veçanërisht në sistemin e agrobiznesit por edhe organizata dhe agjenci të sektorit publik të lidhura me to.

• Të përgatisë studentët për të zhvilluar, zbatuar dhe menaxhuar teknologji informacioni të përshtatura për sistemin e agrobiznesit, i cili mbështetet gjithnjë e më shumë në zgjidhje dixhitale si sistemet e menaxhimit të zinxhirëve të furnizimit, logjistikën e shpërndarjes, bujqësinë precize, analizën dhe zhvillimin e produkteve të tregut.

• Të formojë profesionistë të rinj, të orientuar drejt funksionalizimit të dijeve në praktikë dhe rritjes së eficiencës të përdorimit të burimeve dhe veprimtarisë ekonomike në tërësi.

• Të jenë të aftë të dizenjojnë dhe të zhvillojnë sisteme për mbledhjen, menaxhimin dheanalizimin e të dhënave të lidhura me sistemin e agrobiznesit.

• Të zhvillojnë zgjidhje dixhitale për menaxhimin e zinxhirit të furnizimit, duke siguruarndjekjen efikase të mallrave nga ferma deri te tregu, me fokus në nxitjen e inovacionit në sektorin e agrobiznesit.

• Të mund të krijojnë platforma për shitjen direkte të produkteve, duke përdorur mjete të marketingut dixhital për të lidhur prodhuesit me tregje më të gjera të konsumatorëve.

• Të jenë të aftë të zhvillojnë sisteme të menaxhimit financiar, përfshirë mjetet për sigurimin dhe vlerësimin e rrezikut, të përshtatura për operacionet e agrobiznesit.

• Ndërtojnë sisteme të gjurmueshmërisë që sigurojnë përputhshmërinë e aktiviteteve të agrobiznesit me rregulloret mjedisore, të sigurisë dhe të tregtisë.

• Të mund të mbrojnë të dhënat e ndjeshme të operatorëve dhe aktiviteteve të agrobiznesit përmes masave të sigurisë kibernetike, duke garantuar integritetin e informacionit operacional dhe të tregut.

• Të mund të aplikojnë mjete dhe metodologji analitike për të mbështetur vendimmarrjen e bazuar në të dhëna dhe planifikimin strategjik, me fokus të veçantë në agrobiznes dhe sektorët e lidhur me të.

• Të jenë të aftë të integrojnë teknologjitë e avancuara të informacionit në proceset e menaxhimit të biznesit, duke mundësuar vendimmarrje dhe veprimtari efikase dhe përmirësime dixhitale operative në ekonomi dhe agrobiznes.

Ekspertët në teknologjinë e informacionit, sistemet e informacionit dhe programuesit me aftësi në analizën e të dhënave, zhvillimin e softuerit, cloud computing dhe Internetin e Gjërave (IoT) janë thelbësorë për nxitjen e inovacionit dhe për adresimin e sfidave të veçanta në industritë e sistemit të agrobiznesit por edhe organizatat publike dhe agjencitë e lidhura me to.

Tregu i punës ka gjithnjë e më shumë një kërkesë të fortë për profesione të lidhura me teknologjinë dhe informacionin, të nxitur nga dixhitalizimi në rritje i bizneseve, bujqësisë, agroindustrisë dhe sektorëve të tjerë të ekonomisë. Të diplomuarit në programin e Informatikës së Biznesit kanë një profil të gjerë profesional dhe janë të aftë të kontribuojnë në sektorë të ndryshëm, duke ndërlidhur teknologjinë e informacionit me menaxhimin dhe zhvillimin e biznesit. Disa prej mundësive kryesore të karrierës për të diplomuarit në programin e Informatikës së biznesit janë:

• Projektues i Sistemeve Inovative – Krijimi, dizenjimi, marketingu dhe shitja e produkteve dhe shërbimeve dixhitale inovative; programues dhe analistë sistemesh.

• Administrator i Bazave të të Dhënave & Analist të Dhënash – Menaxhimi dhe sigurimi i të dhënave organizative për performancë dhe besueshmëri; analizimi i të dhënave të biznesit dhe operacionale për të mbështetur vendimmarrjen dhe zhvillimin e strategjive.

• Menaxhim i Sistemeve të Informacionit dhe Cloud – Marrja e përgjegjësive kyçe në projekte kombëtare dhe ndërkombëtare të IT-së në fusha si logjistika dhe bankat; administratorë sistemesh ose rrjetesh.

• Analist i Biznesit në IT dhe Konsulencë – Lidhja midis nevojave të biznesit dhe zgjidhjeve teknologjike përmes modelimit të proceseve dhe kërkesave të sistemeve; optimizimi dhe mbështetja e proceseve të biznesit dhe avancimi i dixhitalizimit në kompani.

• Zhvillues Sistemi / Inxhinier Softuerësh – Dizenjimi dhe implementimi i aplikacioneve softuerike të biznesit dhe sistemeve të ndërmarrjeve të agrobiznesit dhe më gjerë.

• Sisteme Biznesi dhe Financiare – Menaxhimi efektiv i IT-së brenda një kompanie dhe gjenerimi i treguesve kyç të performancës për produktivitetin dhe efikasitetin e IT-së;

administrator i sistemeve ERP & CRM; zbatim i softuerëve financiarë.

• Specialist në E-Business ose E-Government – Zhvillimi dhe menaxhimi i platformave online dhe shër-bimeve dixhitale në sektorin privat dhe publik; specialist në tregtinë elektronike, zhvillues dhe analist uebi.

• Specialist ose sipërmarrës në Sektorin e IT-së & Programimit – Bazuar në idenë personale për një start-up, të diplomuarit mund të krijojnë me sukses kompani programimi dhe zgjidhjesh dixhitale.