Studentët që diplomohen në programin e studimit Bachelor në profilin “Teknologji Ushqimore” kanë mundësinë të integrohen në industrinë ushqimore, duke luajtur një rol kyç në prodhimin, sigurinë, inovacionin dhe qëndrueshmërinë e sektorit ushqimor në vendin tonë dhe më gjerë. Ekspertiza e tyre i lejon ata të kontribuojnë në sektorë të ndryshëm duke përfshirë përpunimin dhe prodhimin e ushqimit, menaxhimin e sigurisë dhe cilësisë, kërkimin dhe zhvillimin, si dhe agjencitë qeveritare të zbatimit të ligjit. Rritja e vazhdueshme e këtij segmenti ekonomik tregon nevojën për specialistë të mirëtrajnuar, të cilët do të kontribuojnë në zhvillimin e mëtejshëm të këtij sektori jetik për ekonominë kombëtare.

Programi i ciklit të parë Bachelor në “Teknologji Ushqimore”, është një program ndërdisiplinor që ndërthur parimet e teknologjisë ushqimore dhe inxhinierisë për të përgatitur specialistë me kompetenca të avancuara teknike, teknologjike dhe profesionale në fushën e përpunimit dhe prodhimit të produkteve të ndryshme ushqimore për të adresuar sfidat në prodhimin, përpunimin dhe sigurinë e produkteve ushqimore. Ky program synon t'u ofrojë studentëve njohuri të zgjeruara mbi vetitë e lëndëve të para, teknologjitë e përpunimit dhe prodhimit të produkteve të ndryshme ushqimore, me aftësi teknike, shkencore dhe menaxheriale për përmirësimin e cilësisë dhe rritjen e sigurisë ushqimore, qëndrueshmërinë dhe efikasitetin e sektorit agroushqimor, që përfshin aspekte inxhinierike të teknologjive agroushqimore dhe aplikimin e standardeve ndërkombëtare të menaxhimit të cilësisë dhe sigurisë në këtë Industri.

Si pjesë e ofertës akademike të Universitetit Bujqësor të Tiranës, ky program është i harmonizuar me objektivat strategjikë për:

• Zhvillimin e sektorit agroushqimor në vendin tonë,

• Mbështetjen e ecurisë së këtij segmenti të rëndësishëm ekonomik. Në këtë kontekst,

o Synohet të forcojë infrastrukturën teknologjike të vendit,

• Të promovojë përmirësimin e industrisë ushqimore dhe të mbështesë procesin e integrimit në tregun Evropian.

Emri “Teknologji Ushqimore”, është mjaft i përshtatshëm për tregun e punës në Shqipëri, pasi fokusohet në një sektor kyç të zhvillimit ekonomik dhe industrial të vendit. Ky program studimi ndërthur njohuritë inxhinierike me aplikimet e tij në sektorin agro-ushqimor, duke përgatitur specialistë që mund të kontribuojnë në sigurinë ushqimore, përpunimin e produkteve bujqësore dhe zhvillimin e teknologjive inovative në industrinë ushqimore.

• Industrinë ushqimore, duke luajtur një rol kyç në prodhim
• Sigurinë dhe cilësinë ushqimore, inovacionin dhe qëndrueshmërinë e sektorit ushqimor në vendin tonë. Ekspertiza e tyre u mundëson të kontribuojnë në sektorë të ndryshëm, duke përfshirë:
• Përpunimin dhe prodhimin ushqimor, menaxhimin e sigurisë dhe cilësisë, kërkimin dhe zhvillimin, si dhe në agjencitë qeveritare zbatuese të ligjit siç është Agjencia Kombëtare e Ushqimit

Programi tre-vjeçar ndërthur shkencat e Natyrës; Teknologjisë & Inxhiniersë; Ekonomisë, Sociale dhe Juridike; si dhe Diploma, Lëndë zgjedhore, Praktikë.

• Viti i I: Kurse bazë në fizikë, matematikë, kimi, biologji. (50 ECTS).
• Viti i II/III: Biopërpunimi i ushqimit dhe teknologjitë e ushqimit (70 ECTS).
• Viti i II/III: Kurse social-ekonomike, praktika dhe një projekt tezë (60 ECTS).