Departamenti Drejtim Agrobiznesi

Home

Fakultetet

FEA

DDA

Departamenti “Drejtim Agrobiznesi” (DDA) është një nga njësitë themelore dhe me traditë të Fakultetit të Ekonomisë dhe Agrobiznesit në Universitetin Bujqësor të Tiranës. Ky departament synon të jetë një qendër ekselence në arsimim, kërkim dhe shërbim ndaj komunitetit, në funksion të zhvillimit të qëndrueshëm të bizneseve në sektorin bujqësor dhe atë ushqimor në Shqipëri dhe më gjerë.

✅ Misioni

Misioni i Departamentit “Drejtim Agrobiznesi” është të kontribuojë në përgatitjen e specialistëve të kualifikuar në fushën e menaxhimit të biznesit duke u ofruar studentëve një formim akademik të thelluar, të mbështetur në kërkim shkencor dhe praktika profesionale bashkëkohore.

🌟 Fokusi

Fokusi kryesor i veprimtarisë së Departamentit “Drejtim Agrobiznesi” konsiston në: i) edukimin e studentëve me njohuri bashkëkohore dhe praktike në drejtim, menaxhim dhe marketing të bizneseve në sektorin bujqësor dhe atë të agrobiznesit; ii) zhvillimin e kërkimit shkencor në fushat kyçe të menaxhimit dhe marketingut si: analiza e tregut, menaxhimi i zinxhirit të furnizimit, menaxhimi i riskut, standardet dhe siguria ushqimore, si dhe efikasiteti i ndërmarrjeve agroushqimore; ii) Rritjen e bashkëpunimit me sektorin privat dhe institucionet publike për përmirësimin e praktikave të menaxhimit;

Vlerat themelore që udhëheqin të gjithë veprimtarinë akademike dhe kërkimore në Departamentin “Drejtim Agrobiznesi” janë :

Përgjegjshmëria akademike dhe integriteti profesional, në funksion të formimit cilësor të studentëve dhe prodhimit të dijes.
Inovacioni dhe përmirësimi i vazhdueshëm, për të reflektuar trendet e reja në menaxhimin e biznesit me fokus agroindustrine dhe zhvillimin rural.
Bashkëpunimi ndërdisiplinor dhe ndërinstitucional, si pjesë e një vizioni për ndërthurjen e shkencës me praktikën.