Departamenti i Mjedisit dhe Burimeve Natyrore (DMBN) është pjesë e Fakultetit të Bujqësisë dhe Mjedisit (FBM) të Universitetit Bujqësor të Tiranës (UBT) dhe është i vendosur në Kampusin Universitar të Kodër Kamëz ose rreth 7 km nga qendra e Tiranës.

DMBN ofron kontribut në fushën e edukimit, kërkimit dhe ekspertizës mjedisore. Qellimi parësor i DMBN është “të ofrojmë njohuri shkencore multidisiplinore për studentët nëpërmjet programeve të studimit universitar dhe pasuniversitar në fushën e mjedisit”. Programet e formimit profesional dhe qytetar orientohen në dobi të mjedisit ose drejt vizionit të zhvillimit të qendrueshëm në pajtueshmëri me të drejtën mjedisore ndërkombëtare dhe parimet kushtetuese të Republikës së Shqipërisë.