​

✅ Misioni

Misioni i Departamentit Financë Kontabilitet është përgatitja e specialisteve të kualifikuar në fushën e financës dhe kontabilitetit për sektorin publik, privat dhe atë jo-fitimprurëse, duke i pajisur me njohuri të thelluara teorike, praktike si edhe shkencore. Misioni do të përmbushet duke ofruar programe studimi në ciklin e parë, të dytë dhe të tretë, si edhe duke realizuar aktivitete të vazhdueshme në kërkimin shkencor. Ky misioni është në përputhje të plotë me misionin, vizionin dhe planin strategjik të Universitetit Bujqësor të Tiranës, si edhe me prioritetet strategjike për zhvillim dhe integrim të Shqipërisë në BE.

Departamenti Financë Kontabilitet ofron programe studime në tre nivele: i) programi i ciklit të parë të studimeve Bachelor në Financë-Kontabilitet; ii) programi i i ciklit të dytë të studimeve Master Profesional në dy drejtime, Financë-Bankë dhe Kontabilitet-Auditim; iii) programi i ciklit të dytë të studimeve Master i Shkencave në Financë Kontabilitet; dhe iv) cikli i tretë i studimit në doktoraturë në Financë-Kontabilitet.