Departamenti i Akuakulturës dhe Peshkimit
Departamenti i Akuakulturës dhe Peshkimit
(DAP) është krijuar me Vendimin Nr. 20 datë 15/07/2013 të Rektorit dhe miratimin e Senatit Akademik të UBT. Diploma “Inxhinier Agrar” me profil “Akuakulturë dhe Menaxhim Peshkimi” është ofruar që nga viti akademik 2001-2002 nga Departamenti i Prodhimit Shtazor, fillimisht si diplomë e integruar e nivelit të dytë, dhe më pas si Diplomë e Ciklit të Parë (Bachelor) dhe e Ciklit të Dytë (Master Shkencor) të Studimeve.
Gjatë viteve të ofrimit të kësaj diplome, numri i të diplomuarve në fushën e akuakulturës dhe peshkimit është rritur. Rritja e interesit për të ndjekur këtë drejtim studimi është nxitur kryesisht nga zhvillimi i shpejtë i sektorit të peshkimit dhe veçanërisht atij të akuakulturës, i cili duke ndjekur edhe tendencën botërore, është sektori i agrobiznesit me zhvillimin më të shpejtë në Shqipëri. Zhvillimit të shpejtë të sektorit dhe nevojës së tij për specialistë të kualifikuar, i është shtuar edhe detyrimi ligjor (neni 33, ligji nr. 103/2016 datë 20/10/2016 “Për Akuakulturën”) për punësimin në fermat e akuakulturës të punonjësve të kualifikuar në fushën e akuakulturës. Në Shqipëri, të paktën deri tani, njësia e vetme që kualifikon specialistë në fushën e akuakulturës dhe peshkimit, është Departamenti i Akuakulturës dhe Peshkimit në Fakultetin e Bujqësisë dhe Mjedisit.
Programet e studimit që zhvillohen në Departamentin e Akuakulturës dhe Peshkimit ofrojnë një kombinim të njohurive mbi akuakulturën dhe peshkimin, të cilat janë unike në Universitetet Shqipëtare. Këto programe i pajisin të diplomuarit me njohuri të thelluara nëpërmjet një qasjeje shumëdisiplinore me në fokus teknologjitë e përparuara për sigurimin e produkteve peshkore, cilësinë dhe sigurinë ushqimore, shfrytëzimin e qëndrueshëm të burimeve ujore, si edhe menaxhimin e ndërmarrjeve të akuakulturës dhe peshkimit.
DEPARTAMENTI I AKUAKULTURËS DHE PESHKIMIT
PËRGJEGJËS DEPARTAMENTI
Prof. Asoc. Dr. Jerina KOLITARI
E-mail : jkolitari@ubt.edu.al
Edukimi
Professor i asociuar, , Universiteti Bujqesor i Tiranes, 2014
PhD, Universiteti Bujqesor i Tiranes, 2007
Master në Akuakulture dhe Peshkim, Universiteti Bujqesor i Tiranes, 2001
Studimet ne degen Zootekni, Universiteti Bujqesor i Tiranes, 1991
Lëndët :
Projektimi i veglave te peshkimit industrial.
Sistemet e riprodhimit dhe rritjes se larvave.
Kerkimet Shkencore
Fusha e peshkimit, akuakultures dhe mjedisit.
Stafi Ndihmës dhe Sekretaria
Edlira SADIKU
Specialiste pranë departamentit të Akuakultures dhe Peshkimit pranë FBM
E-mail:
esadiku@ubt.edu.al