Biblioteka e Universitetit

        21 Maj 2024 Ceremonia e dhurimit të librave nga Ambasadorja e Japonisë në Shqipëri, Znj. Kato Kikuko, në Bibliotekn Shkencore “Mentor Prmeti”

Ambasadorja e Japonisë në Shqipëri, SH. S. Znj. Kato Kikuko viziton Universitetin Bujqësor të Tiranës 

Të nderuar të presim në Universitetin Bujqësor të Tiranës Ambasadoren e Japonisë në Shqipëri, SH. S. Znj. Kato Kikuko në një vizitë në kuadër të Projektit “Read Japan Project” për dhurimin e disa librave në Bibliotekën Shkencore “Mentor Përmeti” në UBT. 

Ambasadorja dhe stafi i saj u mirëprit nga Rektori i UBT, Prof. Dr. Fatbardh Sallaku dhe stafi drejtues i tij, i cili e njohu pak më tepër me UBT, potencialin që posedon, arritjet e deritanishme dhe prespektivat e së ardhmes.

Gjatë takimit u propozuan rrugë bashkëpunimi midis institucioneve akademike homologe duke krijuar ura të reja lidhëse mes dy shteteve të largëta me qëllim forcimin e zhvillimit të qëndrueshëm në fushën e bujqësisë dhe edukimit. 

Zëvendës Rektorja për Shkencën dhe Projektet, Prof. Dr. Erinda Lika prezantoi interesin e studentëve të Doktoraturës por edhe të stafit akademik për kërkim shkencor në fushën e inteligjencës artificiale në bujqësi, në kuadër të projekteve të përbashkëta kërkimore, shkëmbimeve akademike dhe trajnimeve të specializuara për studentët dhe stafin akademik. 

Ambasadorja u shpreh entuziaste për këtë takim dhe për rrugët e hapura që mund të gjenerohen prej tij në vazhdim. 

Takimi pasoi me ceremonisë e dhurimit të librave në Bibliotekën Shkencore “Mentor Përmeti” në UBT, ku Rektori Sallaku dhe Përgjegjësja e Bibliotekës, Znj. Renata Bardhi shprehën falenderimet dhe mirënjohjen e tyre për këtë gjest shumë të vyer nga ana e Ambasadës së Japonisë në Shqipëri.

Janë gjithsej 157 libra në gjuhën angleze që i dhurohen UBT, të cilët fokusohen në tematika të ndryshme si bujqësia, natyra, letërsia, kultura etj. Librat dhurohen nga Tokyo Foundatiom for Policy and Research me mbështetjen e Nippon Foundation. 

Qëllimi i këtij donacioni që mbështetet nga Ambasada Japonese në Tiranë synon të afrojë më shumë studentët apo lexuesin shqiptar me Japoninë dhe të nxisë interesin e të afrojë mundësitë e bashkëpunimit mes institucioneve akademike të dy vendeve në drejtim të arsimit, kërkimit shkencor, shkëmbimit të njohurive dhe ekspertizës etj.

 

         23-25 Prill 2024 Panairi 3-të Mbarëkombëtar i Librit Akademik dhe Shkencor.

Më 23-25 Prill 2024, në ambjentet e Akademisë së Shkencave të Shqipërisë po zhvillohet Panairi 3-të Mbarëkombëtar i Librit Akademik dhe Shkencor. 

Ky aktivitet i rëndësishëm organizohet nga Akademia e Shkencave e Shqipërisë në bashkëpunim me Akademinë e Shkencave dhe Arteve të Kosovës . 

Perkrah shume institucioneve të tjera akademike dhe universitare mbareshqiptare, edhe institucioni yne u prezantua me botimet shkencore te viteve më të fundit. 

Nje numër i madh vizitorësh të të gjitha moshave treguan interes per stendën tonë.

 

Në kuadër të Panairit të 3-të Mbarëkombëtar të Librit Akademik dhe Shkencor u përurua Qendra për Koordinimin dhe Përhapjen e Informacionit Shkencor. 

Biblioteka Shkencore “Mentor Përmeti” - UBT, prej më shumë se 10 vitesh ka qenë ndër bibliotekat pararoje ne Sistemin europian “Cobiss.al., një program, platforme dhe baze te dhenash; zgjidhje nga me cilisoret per katalogimin dhe bibliografitë shkencore, per koordinimin dhe perhapjen e informacionit shkencor; krijimi i bankës së informacionit per rrjetin kombetar te universiteteve e te kërkuesve (E-cris.al); qarkullimi i,lire i informacionit bibliografik dhe i burimeve te tjera shkencore në rrjete rajonale e europiane

  

Në ditën e fundit të Panairit të 3-të Mbarëkombëtar të Librit Akademik dhe Shkencor u organizuan një sërë aktivitetesh të larmishme. 

Një pjesë e stafit të Bibliotekës Shkencore “Mentor Përmeti” mirëpriti në stendën tonë vizitorë të të gjitha moshave dhe profesioneve. 

Në ambjentet e Qendrës për Koordinimin dhe Përhapjen e Informacionit Shkencor, katalogueset e bibliotekës sonë në Sistemin Cobiss.net u njohën me të rejat më të fundit të Cobiss.Cat dhe Cobiss.Lib. 

Universiteti Bujqësor i Tiranës prezantoi botimet e mëposhtme:

 * Financa ndërkombëtare – Prof. Drini Salko, Orfea Dhuci, Tonin Kola;

 * Erëzat – Prof. Nikoll Bardhi;

 * Ngjitja e lustrimit të drurit – Prof. Dritan Ajdinaj;

 * Teknologjia e përpunimit të mishit – Prof. Kapllan Sulaj, Dr. Vilma Gurazi

- Drejtoi: Prof. as. Romina Kote

   

20 Dhjetor 2023 Promovimi i librit “Mentor Përmeti, korife i bujqësisë shqiptare” (Në vigjilje të 103-vjetorit të Akademik Prof. Dr. Mentor Përmeti”)

Më 20 Dhjetor, në ambjentet e Bibliotekës Shkencore UBT u bë promovimi i librit: “Mentor Përmeti, korife i bujqësisë shqiptare” i autorit Nuri Dragoj. Aktiviteti u krye ne kuadër të 103-vjetorit te lindjes së Akademik Prof. Dr. Mentor Permeti, emrin e të cilit mban edhe Biblioteka jonë. 

Të pranishëm në këtë aktivitet ishin familjarë të Profesorit të shquar, familjarë të autorit Nuri Dragoj, studentë dhe pedagogë të Departamentit të Shkencave Agronomike - drejtimi Përmirësimi Gjenetik, stafi i Bibliotekës Shkencore “Mentor Përmeti”, etj.

Ky libër konsiderohet si një dhuratë e çmuar për lexuesit, studentë, pedagogë, specialistë të bujqësisë dhe më gjerë. Në këtë libër autori e prezanton Profesorin e Madh në të gjitha dimensionet, shkencor, patriotik, atdhetar, njerëzor. 

Duke qenë një prej aktorëve më të shquar të bujqësisë shqiptare, në gjysmën e dytë të shekullit të kaluar, libri ka vlerë për punonjësit, specialistët e bujqësisë, për brezat e studentëve dhe më gjerë, dje, sot dhe nesër. 

Nëpërmjet prezantimit të librit dhe kujtimeve të të pranishmëve , përveç të tjerave, aktiviteti kishte si qëllim edhe njohjen e brezit të ri të studentëve me Profesorin e Bujqësisë Shqiptare.

 

11 Janar 2023 – Takim me studentët e Fakultetit të Bioteknologjisë dhe Ushqimit

Në vijim të takimeve me studentët e Universitetit, një nga sallat e Universitetit Bujqësor të Tiranës (UBT) u zhvillua nje takim me studentët e Masterit Shkencor të Fakultetit të Bioteknologjisë dhe Ushqimit. Në këtë takim, drejtuesja e Bibliotekës Shkencore “Mentor Përmeti “, Renata Bardhi, referoi një temë, ku studentët u njohën me një historik të shkurtër te kësaj biblioteke, me informacionet dhe shërbimet që ofron Biblioteka Shkencore “Mentor Përmeti”.

Nga ana praktike u orientuan studentët si të kërkonin informacionin shkencor në katalogun online të bibliotekes; si të kishin qasje në burimet dhe platformat elektronike në ndihmë të procesit studimor. Qëllimi i këtij takimi ishte afrimi sa më shumë i studentëve me bibliotekën dhe me librin, si dhe aftësimi i tyre në kërkimin dhe shfrytëzimin sa me të mirē të informacionit

 

20 Dhjetor 2022 – Përkujtojmë Akademik Prof. Dr. Mentor Përmeti

Në Sallën e Librit tekniko-shkencor të Bibliotekës Shkencore “Mentor Përmeti “ u organizua një takim me studentët e Masterit Shkencor të Fakultetit të Bujqësisë dhe Mjedisit - UBT, për të përkujtuar 102-vjetorin e lindjes së Akademikut Prof. Dr. Mentor Permeti. 

Përveç nderimit dhe respektit per këtë figurë të shquar të bujqësisë dhe arsimit bujqësor në Shqipëri, takimi kishte si qëllim edhe njohjen e brezave të rinj të studentëve me Profesorin e nderuar. 

Prof. Fetah Elezi u foli studetëve dhe të pranishmëve për figurën e shquar, për eksperiencat dhe bashkëpunimin që kishte pasur me Profesorin e nderuar. 

Më pas, drejtuesja e Bibliotekës Shkencore “Mentor Përmeti” , Renata Bardhi, i njohu të pranishmit me aktivitetin botues të Profesorit, të evidentuar në bibliografinë online të hartuar nga specialistet e kësaj biblioteke, pas një pune të gjatë kërkimore dhe hulumtuese.

 

13 Dhjetor 2022 – Takim me studentë të Fakultetit të Shkencave Pyjore

Në një nga sallat e Fakultetit të Shkencave Pyjore të UBT u zhvillua sot nje takim me studentët e këtij fakulteti.

Në këtë takim, drejtuesja e Bibliotekës Shkencore “Mentor Përmeti”, Renata Bardhi, referoi një temë, ku studentët u njohën 

• me një historik të shkurtër te kësaj biblioteke, 

• me informacionet dhe shërbimet që ofron biblioteka, 

• me katalogun online të bibliotekes, mënyrat e kërkimit të informacionit në këtë katalog, 

• me burimet dhe platformat elektronike ku mund të kenë akses studentet gjatë procesit studimor. 

Qëllimi i këtij takimi ishte afrimi sa më shumë i studentëve me bibliotekën dhe me librin, si dhe aftesimi i tyre në kërkimin dhe shfrytëzimin sa me të mirē të informacionit shkencor

5 Tetor 2022 – Takim me përfaqësues të Elsevier-it

Përfaqësues të revistës Elsevier zhvilluan një tjetër takim në Universitetin Bujqësor të Tiranës për të folur mbi platformat më të reja të aplikuara në fushën e kërkimit shkencor. 

Përmes këtij takimi synohet që stafi akademik dhe kërkuesit e rinj të njihen me këto platforma dhe të bëjnë më të thjeshtë punën e tyre kërkimore po ashtu edhe vizibilitetin e rezultateve të punës së tyre. 

Ato ritheksuan edhe njëherë rëndësinë e platformës "ScienceDirect" në menaxhimin, analizën dhe vlerësimin e të dhënave duke përdorur sloganin "Gjeni rrugën tuaj nga hipoteza në zbulim". 

ScienceDirect dhe Scopus ofrojnë në mënyrë unike lidhje të kryqëzuara dhe teknologji të përparuar, duke u mundësuar studiuesve dhe kërkuesve rinj të gjejnë informacionin përkatës në fushën dhe drejtimin ku ata kanë nevojë.

6-7 shtator 2022 -  Konferenca Shkencore “Sistemi COBISS dhe digjitalizimi i informacionit akademik, shkencor dhe kërkimor në Shqipëri”

Ne 6-7 shtator 2022, në Akademinë e Shkencave të Shqipërisë u mbajt Konferenca Shkencore “Sistemi COBISS dhe digjitalizimi i informacionit akademik, shkencor dhe kërkimor në Shqipëri”. Kjo konferencë u organizua nga Akademia e Shkencave e Shqiperisë dhe Instituti i Shkencave të Informacionit - IZUM, Maribor - Slloveni. 

- Fjalën e hapjes e mbajti z. Skënder Gjinushi, Kryetar i Akademisë së Shkencave të Shqipërisë.

- Më pas, Z. Aleś Bośnjak, Drejtor i Institutit të Shkencave të Informacionit (IZUM) foli për bashkëpunimin e suksesshëm në zhvillimin e projektit ECRIS në Shqipëri, që ka për qëllim përpunimin e bibliografive të kërkuesve shkencorë të Shqipërisë dhe prezantimin e tyre në hapësirën kërkimore në Europë. 

- Përshëndeti edhe Z. Peter Japelj, Ambasador i Republikës së Sllovenisë në Tiranë, i cili vlerësoi punën e institucioneve të të dy vendeve për fuqizimin e bashkëpunimit shkencor. 

- Davor Braćko - koordinator i rrjetit COBISS.net -IZUM referoi për rrjetin rajonal të sistemeve të informacionit të bibliotekave. 

- Arjeta Sadiku -Instruktore për aplikacionet COBISS- IZUM prezantoi: “ COBISS-Sistemi dhe shërbimet e përbashkëta bibliografike online”

- Mirlona Buzo -Instruktore për aplikacionet COBISS, përfaqësuese e IZUM-it pranë Akademisë së Shkencave prezantoi: “Sistemet dhe platformat që mbështesin veprimtarinë kërkimore në Shqipëri”

- Albana Velianj - Drejtore e Bibliotekës dhe Botimeve të Akademisë së Shkencave referoi mbi procesin e implementimit të sistemit COBISS “

Në ditën e dytë të konferencës u paraqitën Tema - kuadër: “Përvojat e bibliotekave Universitare në implementimin e sistemit COBISS” 

Paraqitën përvoja dhe rezultate drejtueset e bibliotekave universitare më të spikatura: 

• Lindita Papadhopulli- Biblioteka e Universitetit të Mjekësisë

• Teuta Sula - Biblioteka e Fakultetit të Historisë dhe Filologjisë

• Renata Bardhi - Biblioteka Shkencore “Mentor Përmeti “ - Universiteti Bujqësor i Tiranës. 

      

1 Korrik 2022 Takim me përfaqësues të EBSCO

Drejtuesja e Bibliotekës Shkencore "Mentor Përmeti" në UBT, Renata Bardhi priti në një takim Ugurcan Ozkan, Sr. Menaxher Trajnimi në EBSCO dhe Dogan Kusmus, Menaxher Rajonal i Shitjeve për të folur mbi bazat e të dhënave kërkimore në punimet dhe kërkimet shkencore.

Takimi vjen në një kohë kur informacioni është i gjerë por nevoja për burime të besueshme akademike është e madhe. Për rrjedhojë, përfaqësues të EBSCO folën për metodat dhe mënyrat se si mund të kryhet me efikasitet kërkimi i literaturës në një kërkim shkencor.

Ata prezantuan para stafit akademik dhe kërkuesve të rinj pikat hyrëse për tekstin e plotë akademik, artikujt e revistave, e-librat, tezat, rastet studimore dhe të gjitha llojet e burimet elektronike dhe të shtypura, detajet e përdorimit për mijëra libra elektronikë, bibliografinë e automatizuar, krijimin e dosjes personale etj.

21 Qershor 2022 – Takim me përfaqësues të “Elsevier”

Përfaqësues të revistës "Elsevier" zhvilluan një takim në UBT ku prezantuan një platformë në funksion të kërkimit shkencor dhe teksteve akademike.

Ajo është një kompani botuese akademike me përmbajtje shkencore, teknike dhe mjekësore, duke përdorur mjete dixhitale për menaxhimin e të dhënave, analizën kërkimore dhe vlerësimin e të dhënave.

Qëllimi i këtij takimi ishte krijimi i mundësive për përfshirjen e UBT në këtë platformë, në të cilën përdoruesit mund të përdorin tekstet me cilësi të lartë dhe të publikojnë punime apo tekste shkencore në fushat e shkencave të jetës, shkencave sociale dhe humane apo të shkencave shëndetësore. 

Menaxherja Rajonale e Elsevier, Helena Paczuska prezantoi një platformë, ScienceDirect, e cila kombinon botimet shkencore, teknike dhe shëndetësore, në mënyrë që përdoruesit të gjejnë informacion të vlefshëm dhe ta përforin atë për të punuar në mënyrë efektive për kërkimet e tyre shkencore.

 

22-24 Prill 2022 - Panairi Mbarëkombëtar i Librit Akademik dhe Shkencor

Më 22-24 Prill 2022,  në ambjentet e Akademisë së Shkencave të Shqipërisë u hap Panairi Mbarëkombëtar i Librit Akademik dhe Shkencor. 

Ky aktivitet i rëndësishëm u organizua nga Akademia e Shkencave e Shqipërisë në bashkëpunim me Akademinë e Shkencave dhe Arteve të Kosovës dhe Qendrën e Librit dhe Leximit. 

Përkrah shumë  institucioneve të tjera akademike dhe universitare mbarëshqiptare, edhe institucioni ynë u prezantua me botimet shkencore te viteve më të fundit. 

Nje numër i madh vizitorësh të të gjitha moshave treguan interes për stendën tonë.

     
   

20-23 Janar 2020 - Trajnimi: “Albania librarians or professionals in scientific and technical information”

Nga 20-23 Janar 2020, në kuadër te Erasmus Mobility: “Albania librarians or professionals in scientific and technical information”, u zhvillua një trajnim me stafin e Bibliotekës Shkencore “Mentor Përmeti”.  Përfaqësueset e Mediterranean Agronomic Institute of Montpellier, Cécile Adamolle dhe Rafaèle Sarrade, zhvilluan trajnimin, i cili kishte si synim:

- Si të kërkohet informacioni shkencor në Internet dhe në database online

- Si të gjenden libra, artikuj etj, në database të disiplinave të ndryshme

- Si të gjenden burime elektronike “open-access”

- Si të organizohen, menaxhohen, dhe shpërndahen rezultatet e kërkimit shkencor

- Si të menaxhohen referencat bibliografike.

     
   

08 Janar 2020 - Vizitë Monitoruese Projektit LNSS

Në ambjentet e Bibliotekës Shkencore “Mentor Përmeti” – UBT, u zhvillua një vizitë monitoruese e Albanian Erasmus+ Office, në kuadër të Projektit  “Shërbimet e Mbështetjes së Rrjetit të Bibliotekave: Modernizimi i bibliotekave në vendet e Ballkanit Perëndimor përmes zhvillimit të stafit dhe reformimit të shërbimeve bibliotekare.” (Library Network Support Services: Modernising libraries in Western Balkan countries through staff development and reforming library services

Viti i tret i projektit LNSS është mbyllur me suksese dhe dy patnerët Shqiptar UBT (Universiteti Bujqësor i Tiranës)dhe UNIKO (Universiteti i Korçës “Fan S. Noli”), kanë arritur objektivën e tij kryesor me sukses, modernizimi i bibliotekave, përmes zhvillimit të stafit dhe reformimit të shërbimeve bibliotekare. Bibliotekat e të dy universiteteve kanë ndërtuar shërbime sipas standarteve ndërkombëtare, dhe janë tashmë pjesë e sistemit të përbashkët të Bibliotekave të partnerëve Europian dhe vendeve të Ballkanit Perëndimor.

     
  

2 Tetor 2019 -  Ceremoni për dhurimin e 130 titujve të librave nga Akademia e Shkencave e Shqipërisë

Në 2 Tetor 2019, në Bibliotekën Shkencore "Mentor Përmeti" - UBT, u organizua një ceremoni e dhurimit të 130 titujve të librave nga Akademia e Shkencave e Shqipërisë. 

Të pranishëm në këtë ceremoni ishin Akademik Shaban Sinani, Sekretari Shkencor i Seksionit të Shkencave Shoqërore dhe Albanologjike; Akademik Neki Frashëri, Kryetar i Seksionit të Shkencave Natyrore dhe Teknike, si dhe Dr. Albana Velianj, Shefe e Sektorit të Bibliotekës dhe Botimeve Shkencore.

Mysafirët u mikpritën nga Zv. rektori për Shkencën i UBT, Prof. Dr. Sulejman Sulçe, Shefe e Bibliotekës Shkencore "Mentor Përmeti" Renata Bardhi si dhe stafi i kësaj Biblioteke.

U shpreh falenderimi dhe mirënjohja për këtë dhurim me shumë rëndësi për bibliotekën tonë, i cili ishte vetëm fillimi i një bashkëpunimi të mëtejshëm.

Librat e dhuruar (rreth 460 libra) janë të fushave të ndryshme të studimit, janë botime shkencore të çertifikuara, që do tu shërbejnë më së miri komunitetit të studentëve të UBT, stafit akademik dhe administrativ, si dhe kërkuesve shkencorë të fushës së bujqësisë.

     

15 Maj 2019 - “Dita Kombetare e Vëmendjes ndaj Bibliotekave” - Library National Awarenes Day (LNAD).

Në 15 Maj 2019, Biblioteka Shkencore “Mentor Permeti” organizoi: “Dita Kombetare e Vëmendjes ndaj Bibliotekave” - Library National Awarenes Day (LNAD). Qëllimi i ketij aktiviteti është afrimi i sa më studenteve dhe perdoruesve të tjerë prane bibliotekes, promovimi i shërbimeve bashkëkohore që ofron biblioteka jonë, si dhe thirrja për vëmendje nga eprorët, me qëllim që kjo bibliotekë të ecë me hapin e kohës.

Aktiviteti u mbajt në ambjentet e bibliotekës, si dhe ne Panairin VI të Karrierës në UBT. Stenda jonë në këtë panair u vizitua nga shumë studentë, pedagogë dhe pjesëtarë të firmave apo bizneseve pjesëmarrëse në panair.

     
  

  

   1-30 Prill 2019 - Fushata e dhurimit të librave : "Dhuro një libër sot, për brezat e studentëve që do të vijnë"

Nga 1-30 Prill 2019, Biblioteka Shkencore "Mentor Përmeti" e UBT, nis fushatën e dhurimit të librave, të titulluar: "Dhuro një libër sot, për brezat e studentëve që do të vijnë".  Në përfundim të fushatës, u dhuruan rreth 380 libra nga profesorë, studentë, ish-studentë, shtëpi botuese dhe dashamires te bibliotekës dhe librit.

     
  

  

   13 Qershor 2018 - Panairi i Karrierës 2018

Më 13 Qershor 2018 u zhvillua Panairi i Karrierës në UBT. Edhe Biblioteka Shkencore “Mentor Përmeti” mori pjesë me stendën e saj në këtë panair. Pjesëmarrësit u njohën me aktivitetet dhe shërbimet që ofron biblioteka jonë, me katalogun online, burimet elektronike që ofron biblioteka, etj. Stenda jonë u vizitua me interes nga pjesëmarrësit në panair.

     

   26 Mars 2018 -  trajnimi pilot i modulit “Marketing for Libraries”

Në 26 Mars 2018, në kuadër të Projektit Erasmus+ LNSS (Library Network Support Services), në mjediset e UBT, u zhvillua trajnimi pilot i modulit “Marketing for Libraries”. Të pranishëm ishin edhe monitoruesit e projektit Angela Repanovici (Transilvania University of Brasov, Romania) dhe Manolis Koukourakis (University of Crete, Greece). 

        

   22 Shkurt 2018 -  trajnimi pilot i modulit: “Essential management and transferable skills for librarians and library staff”

Në 22 Shkurt 2018, në kuadër të Projektit Erasmus+ LNSS (Library Network Support Services), në mjediset e UBT, u zhvillua trajnimi pilot i modulit: “Essential management and transferable skills for librarians and library staff”. 

Të pranishëm ishin edhe partnerët e projektit Eleftheria Alefandinou, Gerry Cullen and Margret Schäfer. 

        

   17 Nëntor 2017  - “Dita Kombëtare e Vëmendjes ndaj Bibliotekave – (Library National Awareness Day LNAD)

Më 17 Nëntor 2017 Biblioteka Shkencore “Mentor Përmeti”, në kuadër të projektit  Erasmus+ LNSS (Library Network Support Services), organizoi “Dita Kombëtare e Vëmendjes ndaj Bibliotekave – Library National Awareness Day LNAD. Synimi i këtij aktiviteti ishte krijimi i një dite të caktuar për ndërgjegjësimin e shoqërisë dhe institucioneve shtetërore për rolin e rëndësishëm që kanë bibliotekat në ditët e sotme, si burime të sigurta të informacionit për nxënësit, studentët, stafet akademike dhe specialistët e fushave të ndryshme, në avancimin e tyre drejt botës së dijeve. 

Aktiviteti u organizua  në Pallatin e Kongreseve – Tiranë. 

Nismëtare në këtë aktivitet ishte Biblioteka Shkencore “Mentor Përmeti”- UBT.  Iu bashkuan këtij aktiviteti edhe Biblioteka Kombëtare e Shqipërisë, Biblioteka e Kryeministrisë, Biblioteka e Universitetit të Arteve, Biblioteka Kombëtare dhe Universitare  e Kosovës dhe biblioteka të tjera të vendit. 

     
  

   28 Shtator 2017-  trajnimi me temë: “Transformimi i bibliotekës në një qendër fleksibël informacioni”

Në 28 Shtator 2017, në sallat e Bibliotekës Shkencore “Mentor Përmeti” u organizua trajnimi me temë: “Transformimi i bibliotekës në një qendër fleksibël informacioni”. Punonjëse të bibliotekës bënë prezantimet e tyre në prani të pjesës tjerë të stafit të bibliotekës, stafit administrativ të UBT, studentëve si dhe të ftuarve nga bibliotekat e tjera universitare të vendit. Prezantimet kishin të bënin me punën dhe proceset e përditshme në Bibliotekë, të rejat më të fundit të fushën e Bibliotekonomisë, si dhe sfidat e së ardhmes për bibliotekat. Më pas u kalua në diskutime dhe u shkëmbyen eksperienca midis kolegësh. Theksi u vu tek përpjekjet që duhet të bëjë stafi i bibliotekave, për të ecur me hapin e kohës.

   6 Korrik 2017 – Trajnim në kuadër të projektit  Erasmus+ LNSS (Library Network Support Services)

Më 6 Korrik 2017 u organizua trajnimi me temë: “Capacity building of the AUT staff on information literacy – Ndërtimi i kapaciteteve të stafit të UBT në aftësimin në informacion”.

Synimi i këtij trajnimi ishte rritja e aftësimit në informacion për stafin e bibliotekës, si dhe për stafin ndihmës akademik dhe administrativ të Universitetit.

Trajnimi u organizua në ambjentet e Fakultetit të Ekonomisë dhe Agrobiznesit.

   Maj 2017 –  “Klubi Letrar Studentor”

Forumi Ekonomik Studentor në bashkëpunim me Qendrën Filozofike Kuturore “Akropoli i Ri”, organizuan “Klubin Letrar Studentor”, në një nga sallat e Bibliotekës Shkencore “Mentor Përmeti” dhe me mbështetjen e stafit të bibliotekës. Nëpëmjet mbështetjes së këtyre aktiviteteve studentore, ne plotësojmë rolin e bibliotekës, si një vend, ku shkohet jo vetë pë studim, por edhe si një qendër multifunksionale për aktivitete jashtëshkollore, argëtim dhe shlodhje.

   6 Mars 2017 – 30 Prill 2017 - Fushatë dhurimi:“Dhuroji një libër bibliotekës së universitetit tënd”

Për të sensibilizuar komunitetin që e do librin dhe bibliotekën, si dhe për të pasuruar fondet e bibliotekës, në datat 6 Mars – 30 Prill 2017 u zhvillua një fushatë për mbledhjen e librave të dhuruar, me titull “Dhuroji një libër bibliotekës së universitetit tënd”. Nga ky aktivitet u dhuruan një numër i konsiderueshëm librash nga pedagogë, sudentë dhe ish-studentë të UBT, kërkues shkencorë, etj. Aktivitete të tilla kanë si synim afrimin e lexuesit me bibliotekën, librin dhe të lexuarit. 

  24 Prill 2017 – Ekspozita “Botime retrospektive 1899 – 1940”

Në këtë ekspozitë u prezantuan librat më të vjetër të bibliotekës sonë, nga viti 1899 – 1940. Kjo ekspozitë u çel më 24 Prill 2017 dhe, për shkak të interest të madh që u paraqit, qëndroi e hapur deri më 5 maj 2017.

1 Nëntor 2016 – Ekspozita “65 vjet rrugëtim nëpër dije”

Më 1 Nëntor 2016, në kuadrin e festimeve për 65-vjetorin e krijimit të Universitetit Bujqësor të Tiranës, edhe Biblioteka Shkencore “Mentor Përmeti” u bë pjesë e aktiviteteve të organizuara në këtë ditë, me ekspozitën me titull “65 vjet rrugëtim nëpër dije”. Në këtë ekspozitë u prezantuan tekste të pedagogëve të universitetit tonë, nga krijimi i tij dhe deri sot. Qëllimi i kësaj ekspozite ishte promovimi i punës shkencore të kryer ndër vite nga profesorët e Universitetit Bujqësor, si dhe njohja e brezit të ri me emrat e shquar dhe punë e tyre shumëvjeçare.

Ekspozita qëndroi e hapur për një javë në ambientet e bibliotekës, dhe pati interes të madh nga komuniteti i studentëve dhe pedagogëve.  

25 Maj 2016 – Vizita monitoruese e Albanian  Erasmus+ Office

Në Bibliotekën Shkencore “Mentor Përmeti” u zhvillua vizita monitoruese e Albanian Erasmus+ Office. Qëllimi i kësaj vizite ishte: Prezantimi i Projektit LNSS dhe përcaktimi i rrugëve se si do të plotësohen objektivat e projektit .

10 Dhjetor 2015 - Ekspozita: “Udhëtimi shkencor i Akademikut Mentor Përmeti”

Në Bibliotekën e UBT-së më datë 10 dhjetor 2015, me rastin e 95-vjetorit të lindjes së akademikut Mentor Përmeti, u çel ekspozita "Udhëtimi shkencor i akademikut Mentor Përmeti".

Prezantimi i kësaj ekspozite nisi me numrin e parë të "Buletinit të Shkencave Bujqësore" të vitit 1962, ku profesori është dhe kryeredaktor i parë i kësaj reviste. Ekspozita vijoi me artikuj shkencorë të botuar në revistën "Bujqësia Socialiste", shumë artikuj të botuar në përmbledhje konferencash të zhvilluara ndër vite. U prezantuan librat e profesorit si: "Tërfili Aleksandrin...", "Gjenetika", "Hasëllet e përzjera" etj. Falë ndihmës së Bibliotekës Kombëtare të Shqipërisë bëmë të mundur nxjerrjen dhe digjitimin e disa shkrimeve në gazeta, duke filluar me artikullin e tij të parë për bujqësinë shqiptare në "Bashkimi", 2 gusht 1953 e për të vijuar më tej. Nga kjo bibliotekë u ekspozuan edhe disa ekzemplarë. U ekspozua gjithashtu një koleksion i veçantë i gazetës "Dëshnica" me artikuj të akademikut. Një seksion të veçantë përbënë sendet personale të Mentor Përmetit të cilat iu dhuruan bibliotekës nga familja. Ekspozita qëndroi e hapur deri më 18 dhjetor.

24 Prill 2015 - Biblioteka Shkencore merr emrin e Akademikut Mentor Përmeti    

Ceremonia u zhvillua në ambjentet e Bibliotekës Shkencore të Universitetit Bujqësor. Nga të pranishmit në ceremoni, u vunë në pah vlerat shkencore dhe intelektuale të Akademikut Mentor Përmeti. Lindi në Tiranë, më 20/12/1920. Studimet e larta i kreu në Sofje të Bullgarisë. Zv. Ministër i Bujqësisë; Zv. Rektor dhe Rektor i ILB (sot UBT). Themelues i shkencës së Përmirësimit Gjenetik në Shqipëri. Autor i një sërë librash, teksteve universitare,monografive si dhe shumë artikujve shkencorë brenda dhe jashtë vendit. Kryeredaktori i parë i Buletinit të Shkencave Bujqësore.

Më pas u zbulua pllakati me emrin e tij, në hyrje të Bibliotekës