Qendra e Karrierës dhe Alumni

Pjesë e vizionit të Universitetit Bujqësor të Tiranës është edukimi universitar, pasuniversitar, kërkimi dhe trajnimi për përgatitjen profesionale të specialistëve të fushës së bujqësisë, të ushqimit dhe të mjedisit. Në këtë kuadër nevoja e ndërmarrjes së iniciativave që përafrojnë kapacitetet, me edukimin e duhur profesional, të studenteve me sipërmarrjet, organizatat dhe institucionet publike që janë të lidhura me fushën e bujqësisë, ushqimit dhe të mjedisit, është një nevojë e padiskutueshme.

Mbështetja e UBT ndaj studentëve ti tij, është në shumë dimensione por më e rëndësishmja është në aspektin e zhvillimit të karrierës së tyre. Ndaj, që nga viti 2013, pjesë e strukturave të UBT është Qendra e Karrierës & Alumni (QKA), e cila shërben si një koordinues dhe hallkë ndërmjetëse, e formësimit teorik dhe praktik të studentëve, nga njëra anë, dhe mbështetjes në përballje me tregun e punës, nga ana tjetër. QKA është në mënyre të drejtpërdrejtë përgjegjëse për jetësimin e çdo funksioni që ka në fokus zhvillimin e karrierës së studentëve të UBT.

Qëllimi kryesori i QKA është të informojë dhe të orientojë studentët e UBT gjatë studimeve të tyre, në funksion të paraprirjes së një karriere të suksesshme, duke krijuar mundësi për realizmin e praktikave, trajnime të ndryshme, pjesëmarrje në konferenca, ëorkshop, seminare, të facilitojë kontaktin me tregun e punës si edhe gjurmimin e ecurisë së tyre të mëtejshme.

QKA është në mënyre të drejtpërdrejtë përgjegjëse për jetësimin e çdo funksioni që ka në fokus zhvillimin e karrierës së studentëve të UBT. Ndërmjetëson kontaktet e studentëve me Bizneset, Institucionet Publike dhe Organizata të profileve të ndryshme. Siguron informacion dhe orienton studentet lidhur me Trajnimet e ndryshme, Bursa studimit etj.

Themelohet ALUMNI UBT. Organizua nga QKA dhe nën kujdesin e veçante te Rektorit te UBT Prof. Dr. Bari Musabelliu. Bazuar në Rregulloren e “Organizimi dhe Funksionimi i Degës së Zhvillimit të Kurrikulave, Karrierës dhe Vlerësimit Institucional“, u mbajt mbledhja e pare e asamblesë së ALUMNI të Universitetit Bujqësor të Tiranës. Në vijim, është realizuar procesi i votimit për anëtarët e Bordit të ALUMNI UBT. Fokusi e veprimtarisë se ALUMNI UBT do të bazohet në tre shtylla: Përfshirjen e ish-studentëve të UBT në funksion të zgjerimit të këtij rrjeti. Aktivitete të natyrës informuese, shkëmbim/transferim eksperience apo edhe argëtuese Lobime për mbështetje ndaj UBT

1-           Takime me të Ftuar

Aktiviteti “Takime me tëFtuar” zhvillohet duke vendosur përpara studentëve personalitetet më në zë të ekonomisë, agronomisë, veterinarisë, poitikës dhe biznesit. Qëllimi i këtij aktiviteti është të aftesojë studentët në sferën e komunikimit, ekonomisë, agronomisë, veterinarisë, politikës dhe biznesit.

2-           Diskutime në Panel

Aktiviteti “Diskutime në Panel” është një format diskutimi I bazuar tek modeli I suksesshëm I diskutimit të World Economic Forum. Qëllimi kryesor I këtij aktiviteti është të aftësojë studentet se si të flasin në publik,  si ta prezantojnë një ide, si të strukturojnë një debat dhe si mund të mbrojnë tezën e tyre. Duke I vënë studentët përballë njëri-tjetrit të diskutojnë për tematika të përcaktuara më parë, duke sjellë fakte dhe prova dhe me mënyrën se si ata do zgjedhin ta konturojnë debatin do u forcojë studentëve profesionalizmin në debat për të qenë më interaktiv në shoqërinë civile.

3-           Studentët dhe Media

Universiteti Bujqësor I Tiranës perms aktivitetit “Studentët dhe Media” u krijon mundësinë studentëve të promovojnë gjithë veprimtarinë e tyre socale, artistike, kulturore, sportive dhe akademike në media të ndryshme. Gjithashtu ky aktivitet ka si qëllim që të mediatizoj dhe promovoj studentët ekselent dhe studentët me aftësi të mira lidershipi.

Forumi Ekonomik Studentor u ngjiz si koncept dhe organizim studentor vullnetar, me deshirën dhe vullnetin e lire të një grupi studentësh Brenda Fakultetit të Ekonomisë dhe Agrobiznesit të Universitetit Bujqësor të Tiranës me mbështetjen e ish-dekanit të FEA Prof.Dr. Bahri Musabelliu, aktualisht Profesor. Musabelliu mban detyrën e Rektorit të UBT-së.Tashmë, që prej muajit shkurt të vitit 2014, FES operon si një organizatë jo-fitimprurëse dhe implementon veprimtarinë e saj në bashkëpunim të plotë me disa pedagogë të Universitetit Bujqësor të Tiranës.

Pse FES?

Kjo nismë erdhi si rezultat I disa intervistave dhe ndërveprimeve mes studentëve Brenda institucioneve të larta mësimore, si një nevojë për të përfaqësuar denjësisht zërin e studentëve dhe të rinjve në aspektin e jetës studentore, akademike, sociale, ekonomike dhe politike në vend.

Qëllimi i FES

Qellimi i këtij forumi është vënia në jetë e potencialit studentor duke u krijuar mundësi dhe hapësira studentëve për të shprehur lirisht mendimet, opinionet, talentin dhe kreativitetin e tyre në zhvillimin e aktiviteteve dhe projekteve të ndryshme.

Misioni i FES

Synon të ndërtojë mundësinë për përgatitjen e gjeneratës së re studentore duke I frymëzuar ata të japin kontributin e tyre në zhvillimin ekonomik. (Vënia në jetë e potencialit të të rinjve shqiptarë që studiojnë në fusha të ndryshme, me funksion zhvillimin e qëndrueshëm të ekonomisë Shqiptare.)

Vizioni i FES

Të jetë një ndër organizatat studentore lider në ballkan, për sa I përket organizimit, funksionimin dhe qasjes në përngjasi me World Economic Forum (WEF) dhekrijimit të një bashkëpunimi me këtë  forum botëror për programet rinore dhe studentore që WEF I ka të lancuara për organizatat rinore në mbarë botën.

comming soon

Shërbimet e ofruara

Aktivitete të fundit

Foto/Gallery