Universiteti Bujqësor i Tiranës njofton të gjithë kandidatët e interesuar se afati për dorëzimin e dosjeve për programet e studimit të ciklit të tretë “Doktoraturë” për vitin akademik 2024-2025 është shtyrë deri më 25.04.2025.

Të gjithë aplikantët që nuk kanë mundur të dorëzojnë dosjen brenda afatit të mëparshëm, tani kanë mundësinë të aplikojnë deri në këtë datë të re.

Për programet e doktoratës të ofruara në Universitetin Bujqësor të Tiranës, mund të gjeni më shumë informacion dhe dokumentacionin e kërkuar për secilin program në lidhjet më poshtë:

    ·       Doktoraturë në “Ekonomi dhe Agrobiznes” - Fakulteti i Ekonomisë dhe Agrobiznesit

    ·       Doktoraturë në “Shkencat Bujqësore” - Fakulteti i Bujqësisë dhe Mjedisit

    ·       Doktoraturë në “Shkencat Mjedisore” - Fakulteti i Bujqësisë dhe Mjedisit

    ·       Doktoraturë në “Shkencat Veterinare” - Fakulteti i Mjekësisë Veterinare

    ·       Doktoraturë në “Shkencat dhe Bioteknologjia Ushqimore” - Fakulteti i Bioteknologjisë dhe Ushqimit

Afati i ri për dorëzimin e dosjeve është 25.04.2025. Aplikimi mund të bëhet tek personat e kontaktit në fakultete, të cilët mund të gjenden në dokumentacionin përkatës.

Ftohen të aplikojnë kandidatët nga Shqipëria, Kosova dhe ata me origjinë shqiptare nga Maqedonia e Veriut.

Mos e humbisni mundësinë për t’u regjistruar në programet e doktoraturës të Universitetit Bujqësor të Tiranës!