Përmbyllet faza e parë e Projektit “Njohuritë financiare të fermerëve, ndryshimet klimaterike dhe demografike si faktorë përcaktues për bujqësinë e qëndrueshme (Rasti i zonës së Korçës dhe Divjakës)”, financuar nga AKKSHI, me koordinatore Prof. Asoc. Dr. Albana Gjoni.
Projekti ka për qëllim kryesor realizimin e një kërkimi shkencor në lidhje me nivelin e njohurive financiare të fermerëve në zonën e Korçës dhe Divjakës, efektet e ndryshimeve klimaterike dhe demografike si faktorë që përcaktojnë zhvillimin e bujqësisë së qëndrueshme në Shqipëri.
Sapo është mbyllur faza e parë 6-mujore e projektit (me kohëzgjatje të plotë 18 muaj), ku janë realizuar një sërë aktivitetesh:
- Ndërtim dhe realizim i intervistave me operatorët e sistemit financiar për nivelin e specializimit në lidhje me fermerët dhe bujqësinë e qëndrueshme.
- Ndërtim dhe plotësim i pyetësorëve me fermerë të zonës së Korçës dhe Divjakës për njohuritë financiare dhe nivelin e përfshirjes në burimet e financimit, si dhe mbështetjen financiare.
- Mbledhje, përpunim dhe analizë e të dhënave primare.
