Në kuadër të projektit Erasmus + midis Instituto Politecnico de Viana do Castelo dhe Universitetit Bujqësor të Tiranës, shpallet thirrja për aplikime për shkëmbim studentësh për Semestrin e parë 2023-2024, në Viana do Castelo, Portugali.
Në këtë projekt mund të aplikojnë studentët e Fakultetit të Bujqësisë dhe Mjedisit si dhe studentët e Fakultetit të Mjekësisë Veterinare.
Para aplikimit studentët duhet të kërkojnë në faqen
zyrtare të Universitet pritës dhe të përzgjedhin modulet që do të zhvillojnë,
të cilat duhet të përkojnë me modulet që do të ndiqnin këtu në semestrin
përkatës. Informacion mbi modulet mund të gjeni në linkun e mëposhtëm:
https://www.ipvc.pt/en/estudar/estudar-no-ipvc/cursos/licenciaturas
Nga ana e Universitetit Bujqësor, si partner
i projektit, bëhet një renditje paraprake e studentëve aplikues. Kjo renditje u
dërgohet partnerëve.
Dokumentacioni i nevojshëm për aplikim:
• Vërtetim nga Sekretaria Mësimore
• Lista e notave
• CV
• Letër motivimi
Afati i fundit për aplikim është: 20
Prill 2023
Dokumentacioni i kërkuar do të dërgohet nëpërmjet email-it në adresën: erasmusoffice@ubt.edu.al