Dita Botërore e Tokës
Registrations are closed
Universiteti Bujqësor i Tiranës në bashkëpunim me Akademinë e Shkencave të Shqipërisë, Ministrinë e Bujqësisë dhe Zhvillimit Rural, Agroscope (Zvicër), CIHEAM Bari (Itali) organizojnë Konferencën Shkencore me rastin e Ditës Botërore të Tokës.
Tema e Konferencës ishte “Një tokë e shëndetshme ofron ushqim të shëndetshëm, ruan natyrën, dhe mbron nga ndryshimet klimatike: Pakti i Gjelbërt i BE dhe ndikimi i tij në menaxhimin e burimeve tokësore në Shqipëri”.
Qëllimi i Konferencës ishte njohja e gjendjes konkrete të tokave bujqësore në Shqipëri në lidhje me aspekte të kërkimit shkencor e mësimdhënies dhe me legjislacionin apo administrimin e saj duke e konfrontuar edhe me politikat e BE-së.
Së bashku me Rektorin e UBT, Z. Fatbardh Sallaku dhe stafin e UBT, në të morën pjesë shume personalitete të njohura si Znj. Frida Krifca, Ministre e Bujqësisë dhe Zhvillimit Rural; Z. Pandi Zdruli, Instituti Agronomik Mesdhetar i Barit (CIHEAM, Bari); Skënder Gjinushi, President i Akademisë së Shkencave të Shqipërisë; Z. Sokrat Sinaj, Agroscope, Qendra e Ekselencës për Kërkime Bujqësore, Zvicër.
