Rektori i Universitetit Bujqësor të Tiranës, Prof. Dr. Fatbardh Sallaku zhvilloi një takim me doktorantët me qëllim diskutimin mbi ecurinë e kërkimeve shkencore, sfidat dhe arritjet e deritanishme, si dhe identifikimin e mundësive të reja për bashkëpunim ndërdisiplinor në vazhdim.
Ky takim synon të krijojë një mundësi për ndarjen e ideve, eksperiencave dhe vizioneve për të ardhmen e kërkimit shkencor në UBT drejt një shkence më të integruar dhe të orientuar nga nevojat e shoqërisë dhe tregut.
Takimi u bazua edhe tek objektivat strategjike të UBT-së në kuadër të marrëveshjes me Universitetin BOKU të Vjenës, me synimin për të zgjeruar mundësitë e bashkëpunimit shkencor, shkëmbimeve akademike dhe përfshirjes së doktorantëve në projekte ndërkombëtare kërkimore.
