Ceremonia e dhënies së titullit "Profesor Emeritus" Prof.Dr. Sokrat Sinaj

Të nderuar të japim titullin e nderit "Profesor Emeritus" për Prof. Dr. Sokrat Sinaj në një ceremoni speciale të Senatit të Universitetit Bujqësor të Tiranës.

Shprehim vlerësimin dhe admirimin tonë maksimal për këtë figurë të veçantë dhe të rëndësishme mbi kontributin dhe rolin që ka luajtur dhe vazhdon të luaj akoma në promovimin e shkencës shqiptare në botë dhe në promovimin e Universitetit.

Pas një prezantimi të përmbledhur të jetës së tij profesionale dhe shkencore, vlerësimin për Prof. Sinaj dhe kontributin e gjerë të tij ndër vite e shprehën personalitete të lartë të Universitetit Bujqësor dhe figura të tjera të shquara të fushës së bujqësisë.

Evidentojmë vlerat e Prof. Sinaj si kërkues ekselent dhe profesionist me cilësi të shkëlqyera, fleksibël ndaj ndryshimeve të reja në fushën e bujqësisë dhe mjedisit.

Si institucion akademik dhe promovues i personaliteteve të rëndësishme të sektorit bujqësor, gjithnjë do ta vlerësojmë Prof. Sinaj si një personalitet unik dhe një shembull shumë i mirë për tu ndjekur nga gjeneratat e reja.