Vizita e Prof. Toine Hattink, përfaqësues i HAS Green Academy, Hollandë
Rektori i Universitetit Bujqësor të Tiranës, Prof. Dr. Fatbardh Sallaku, priti Prof. Toine Hattink, përfaqësues HAS Green Academy në ambientet e kampusit të UBT.
Qëllimi i kësaj vizite kishte të bënte me shkëmbimin e ideve dhe krijimin e mundësive të reja të bashkëpunimit për studentët, stafit akademik dhe zhvillimin e kërkimit shkencor.
Fokusi kryesor kishte të bënte me përfshirjen e studentëve në projekte të ndryshme gjatë periudhës së studimeve dhe kryesisht zgjerimi i mobiliteteve përmes projekteve Erazmus.
Gjatë takimit u bë një prezantim i përgjithshëm mes dy universiteteve lidhur me fakultetet që kanë, programet e studimit që mbulojnë, infrastrukturën mësimore, projektet e bashkëpunimit dhe marrëveshjet ndërkombëtare etj.
Ky takim u shërbeu të dyja palëve për të njohur më mirë njëri- tjetrin dhe për të bashkëbiseduar mbi alternativat e konkretizimit të një marrëveshje në të ardhmen.
