Departamenti i Qendrës së Kërkimit të Ushqimit 

Qendra e Kërkimit të Ushqimit është një njësi bazë kërkimore e Fakultetit të Bioteknologjisë dhe Ushqimit, është e themeluar në 1987 si një institucion kërkimor dhe njihej si  “Qendra e Verës” . Aktiviteti i kryesor i kësaj Qendre është i lidhur me kërkim shkencor në fushën e ushqimit, si dhe të zgjidhë problemet kryesore të industrisë ushqimore në vend dhe ofrojnë shërbime shkencore, praktike dhe metodike, si dhe merr pjesë në realizimin e programeve të studimeve të ciklit të dytë dhe të ciklit të tretë. Ka qenë pjesë e strukturës së Universitetit Bujqësor të Tiranës që kur u themelua departamenti i Teknologjisë dhe Ushqimit. Pas riorganizimit të strukturave të UBT në 2007, u bë pjesë e Fakultetit të Bioteknologjisë dhe Ushqimit, tanimë si Departamenti i Qendrës së Kërkimit dhe Ushqimit.

Kjo njësi laboratorike ka një strukturë të tillë në të cilën funksionojnë Laboratori i Analizave të Cilësisë së Ushqimit, Laboratori Fruta-Perimeve dhe i Vajit, Salla e Degustimit, Laboratori Eksperimental i Verës dhe Distilateve Alkoolike, edhe ambientet nëntokësorë për ruajtjen dhe vjetrimin e verërave. Gjithashtu kjo Qendër është e pajisur edhe me një sallë leksioni e cila mundëson realizimin e orëve mësimore me studentët.

Departamenti i QKU-së ka për detyrë të hetojë, karakterizojë, vlerësojë dhe dokumentojë vetitë fizike dhe kimike të produktet ushqimore. Të dhënat dhe informacionet e mbledhura përdoren për të mbështetur punën kërkimore dhe zhvillimore që realizohen në fakultet.


OBJEKTIVAT


Në fushën e mësimdhënies:
• Përgatitja e specialistëve dhe kërkueseve të aftë në fushën e ushqimit;
• Të formojë specialistë me aftësi praktike dhe kompetencë profesionale;
• Mbështje për realizimin e praktikave profesionale për studentet e ciklin të parë dhe të dytë;
• Të ofrojë kurse kualifikimi, për të mundësuar rikthimin në auditorët universitare specialisteve dhe personave të interesit në fushën e ushqimit për rifreskimin e dijeve profesionale apo shkencore.

 

Në fushën e kërkimit shkencor
• Realizon kërkime dhe zhvillime për një gamë të gjerë të produkteve ushqimore nga niveli i lartë deri në shkallën pilot;
• Realizon transferime të teknologjive të duhura në industrinë ushqimore;
• Standardizimi i produkteve ushqimore;
• Karakterizimin fiziko-kimik të produkteve ushqimore;
• Vlerësimi sensorial;
• Mbështes realizimin e programeve të studimeve “Master i shkencave” dhe “Doktoratë”, të ofruara nga departamentet e fakultetit.
• Mbështje për realizimin e veprimtarive kërkimore shkencore për GKM të departamenteve të Fakultetit të Bioteknologjisë dhe Ushqimit.
Në fushën e shërbimeve
• Analizë Fiziko-kimike (për autokontroll për të tretë):
• Ofron trajnime të ndryshme të përpunimin e ushqimit:
• Analiza e Sigurisë Ushqimore;
• Vlerësimi Ndjesor i Ushqimit:
• Kërkime dhe Konsulencë Ushqimore

MISIONI

FBU, mundëson përgatitjen e specialisteve dhe shkencëtarëve në Inxhinieri  agroushqimore (teknologë agroushqimorë e vreshtarë-enologe), Bioteknologëve ushqimore dhe specialistëve për Ushqimin dhe Sigurinë ushqimore, të aftë të kontribuojnë në të gjitha etapat e zinxhirit ushqimor (manipulimin dhe transformimin e lëndëve të para me origjine bimore, shtazore e bioteknologjike, ambalazhimin, ruajtjen dhe tregëtimin e produkteve ushqimore), përfshirë garantimin e cilësisë së proceseve e produkteve, me anën e zbatimit të sistemeve të sigurimit të cilësisë së ushqimit dhe administrimit të saj, nëpërmjet promovimit dhe pjesëmarrjes së studentëve e personelit akademik dhe njësive të FBU në programe të avancuara të edukimit, kërkimit dhe trainimit në fushat e mesipërme.

VIZIONI

FBU është dhe zhvillohet si një qendër bashkëkohore studimore, kërkimore dhe transferimi të njohurive, në fushën e bioteknologjisë dhe ushqimit,  për krijimin e potencialit teknologjik të vendit dhe  kontributin e tij  në sektorët e sistemit të prodhimit, kërkimit dhe zhvillimit teknologjik të ushqimit, zhvillimin ekonomik të vendit dhe integrimin Evropian. Vizioni i zhvillimit të FBU-së është modernizimi dhe akreditimi i programeve të studimit mbi bazën e konsolidimit periodik të metodave të mësimdhënies, mësimnxënies, aftësimit profesional dhe kërkimkit shkencor për të garantuar që studentët e diplomuar të zotërojnë aftësi shkencore dhe profesionale për të punuar në sektorin e ushqimit, bioteknologjisë ushqimore, përpunimit të ushqimit, sigurisë dhe cilësise së ushqimit, të ushqyerit të njeriut, dhe fushave të tjera të agro-industrisë dhe shkencave të jetës.

 

Dr. Onejda KYÇYK,

Përgjegjëse Departamenti

E-mail: okycyk@ubt.edu.al

Departamenti i Qendrës së Kërkimit të Ushqimit

GMK Qëndra e Kërkimit të Ushqimeve

Stafi Ndihmës Jo-Akademik


Indrit SHIMAJ

Specialist


E-mail: ishimaj@ubt.edu.al




 


Lindita LACI

Specialiste


E-mail: llaci@ubt.edu.al




 

Bachelor


Master Shkencor


Master Profesional


                                    Vendimet e Bordit të Akreditimit


Broshurë Informuese