Departamenti i Ekonomisë dhe Politikave të Zhvillimit Rural

Departamenti “Ekonomi dhe Politika të Zhvillimit Rural”, është një departament unik në arsimin e lartë në Shqipëri me programe studimi që i paraprijnë zhvillimit ekonomik dhe social të vendit. Ai ofron programe dhe kryen kërkim shkencor në fusha si Politikat agrare dhe të zhvillimit rural, në ekonomiksin e aplikuar në bujqësi, në administrimin e burimeve natyrore dhe ambjentit, në administrimin e territoreve rurale etj. Ky departament ka programe studimi në nivelin e parë të studimeve Bachelor, në nivelin e dytë të studimeve në master dhe në nivelin e tretë të studimeve në Master Ekzekutiv.

Departamenti përbëhet nga një staf akademik prej 19 profesorësh, lektorësh dhe asistent lektorësh midis personaliteteve më në zë në këto fusha në nivel kombëtar me një eksperiencë të gjerë në fushën e mësimdhënies dhe kërkimit shkencor.

1.      Programet e ciklit të parë Bachelor

Programet e studimeve të ciklit të parë  “Ekonomi dhe Politikat e zhvillimit rural” si edhe “Ekonomiksi i Aplikuar” synojnë pajisjen e studentëve me njohuritë bazë, mbi metodat dhe parimet e shkencore të përgjithshme, si dhe formimin e shprehive të veçanta në:

·         fushën e ekonomisë lokale në zonat rurale,

·         politikave publike dhe hartimit të tyre,

·         strategjitë ekonomike të zhvillimit të zonave rurale dhe rajonale ne nivel mikro dhe makro ekonomike etj.

Programet e studimeve të ciklit të parë realizohen me 180 kredite (ECTS) dhe kohëzgjatja e tyre është 3 vite akademike.

Në përfundim të programeve të studimeve të ciklit të parë lëshohet diplomë universitare “Bachelor” përkatësisht në “Ekonomi dhe Politikat e Zhvillimit Rural” si edhe “Ekonomiksi i Aplikuar”.

2.      Programet e studimeve të ciklit të dytë “Master i Shkencave” 

Programi e studimit të ciklit të dytë “Master i shkencave” në “Ekonomi dhe Politikat e Zhvillimit të Qëndrueshëm (Ekonomi Cirkulare)” i pajis të diplomuarit që zotërojnë diplomën universitare “Bachelor” me njohuri të thelluara teorike dhe praktike, si dhe trajnim për kërkim shkencor të pavarur në fushat e :

·          ekonomisë së qëndrueshme dhe asaj cirkulare

·          ndërtimit të politikave dhe planeve të zhvillimit rural, lokal dhe rajonal,

·          politikave të burimeve natyrore dhe përdorimit të tyre në nivel optimal,

·          politikave të organizimit të territorit dhe harmonizimit të zhvillimit të integruar lokal etj.

Programet e studimeve të ciklit të dytë realizohen me 120 kredite, ku përfshihen 18 kredite për projektin kërkimor (mikrotezën) dhe kohëzgjatja normale e tyre është 2 vite akademike. Për tu pranuar në këtë cikël studimi në departamentin “Ekonomisë dhe Politikave të Zhvillimit Rural”, studentët duhet të kenë dhënë edhe provimin e gjuhës angleze mbi bazën e testeve të njohura ndërkombëtare. Në përfundim të këtij programi të ciklit të dytë lëshohet diplomë universitare “Master i Shkencave” në “Ekonomi dhe politikat e Zhvillimit të Qëndrueshëm (Ekonomi Cirkulare) ”. Ky program studimi ofrohet si diplome dyfishe me Universitetit e Studimeve të Tuscias në Itali, ku ne i japim mundësi studentëve tanë që të zhvillojnë një pjesë të studimeve në universitetin italian dhe të pajisen me diplomë nga të dy universitetet.

3.      Programet e studimeve “Master Profesional”

Programi i ciklit të dytë të studimit “Master profesional” në “Ekonomi dhe Politika Agrare” u ofron të diplomuarve, me një diplomë universitare “Bachelor”, arsimim dhe trajnim të mirëfilltë profesional. Programi i studimit “Master profesional” realizohen me 120 kredite dhe kohëzgjatja normale e tyre është 2 vite akademike. Në këtë program studimi synohet rritja e aftësive praktike të studentëve për të qenë më pranë kërkesave të tregut të punës, me njohuritë dhe kompetencat e kërkuara. Në përfundim të këtij cikli studimesh lëshohet diplomë universitare “Master profesional” në “Ekonomi dhe Politika agrare”.

4.       Cikli i tretë

Programet e studimeve të ciklit të tretë është masteri ekzekutiv në “Planifikim dhe zhvillim ekonomik territorial i zonave rurale” i cili u hap për herë të parë në vitin akademik 2020-2021, duke e shndërruar kështu departamentin, një ndër të vetmit që ofron një program të tillë studimi në të gjithë arsimin e lartë në vend. Ky program i drejtohen profesionistëve të cilët duan të thellojnë njohuritë e tyre dhe të kontribuojnë në kërkimin shkencor në fushën e Politikave të zhvillimit rural dhe organizimit të territorit.

Masteri ekzekutiv “Planifikim dhe zhvillim ekonomik territorial i zonave rurale” i drejtohet politik bërësve të cilët duan të rrisin njohuritë e tyre me informacione dhe metodologji të reja ne fushën e organizimit dhe zhvillimit ekonomik të territoreve. Ky program studimi i hartuar me mbështetjen e universiteteve evropiane gjermane, franceze, dhe greke, lider në këto fusha, është një program studimi unik në Shqipëri si për sa i përket tematikës që ofron ashtu edhe për sa i përket publikut të cilit i drejtohet. Ky program studimi ka 120 kredite dhe zgjat të paktën 2 vjet. Ne fund të studimeve jepet Diploma Master Ekzekutiv.

Në studimet e ciklit të tretë të ofruara nga departamenti i “Ekonomisë dhe politikave të zhvillimit Rural”, do të pranohen kandidatë që kanë fituar diplomë universitare “Master i Shkencave” dhe që plotësojnë kritere të tjera të përcaktuara në Rregulloren e programit të studimit.

 

FUSHAT E KËRKIMIT TE DEPARTAMENTIT

1.      Analiza ekonomike dhe vlerësimi i impaktit të politikave publike me fokus të veçantë në politikat e zhvillimit bujqësor dhe rural

2.      Analiza dhe vleresimi i faktorëve të rritjes së prodhimit bujqësor

3.      Hartimi dhe propozimi i politikave te zhvillimit bujqësor dhe rural

4.      Vleresimi i efekteve qe nuk kalojne nga tregu

5.      Vlerësimi i efektivitetit ekonomik dhe konkurrueshmërisë së sistemeve dhe teknologjive bujqësore

6.      Veprimi kolektiv ne bujqësi

7.      Analiza e filierës agroushqimore

8.      Të drejtat mbi burimet lokale, reformat e tyre dhe aksesi sipas ndasive gjinore

9.      Zhvillimi territorial, ekonomia e territorit dhe produktet e tij   

10.  Prognozimi ekonomik

11.  Tregtia ndërkombëtare dhe integrimi i tregjeve bujqësore

12.  Probleme te zhvillimit te bashkërenduar të prodhimit dhe infrastrukturave ne bujqësi.

13.  Bujqësia superintensive si alternative e domosdoshme prodhuese në rajonet e ultësirës perëndimore të vendit.

14.  Vlerësimi i efektivitetit të përdorimit të burimeve natyrore dhe të ambjentit

15.  Identifikim dhe vlerësimi i problemeve social-ekonomike të grupeve vunerabel të shoqërisë

16.  Probleme te planifikimit hapësinor

17.  Diagnostikimi dhe analiza e potencialeve të zhvillimit të komuniteteve rurale.

18.  Pengesat dhe politikat e promovimit të eksporteve të produkteve bujqësore

19.  Probleme të zhvillimit të tregut të produkteve bujqësore

20.  Analiza e sjelljes konsumatore

21.  Segmentimi i tregut të produkteve bujqësore dhe vleresimi i impaktit të politikave të ndryshme të marketingut

22.  Tregu i tokes, probleme dhe politika e zhvillimit të tij

23.  Siguria ushqimore   dhe modelet e konsumit ushqimor

24.  Zhillimi i tregut të kapitaleve në Shqipëri

25.  Probleme të politikës monetare dhe fiskale




MISIONI

Të synojë pajisjen e studentëve me njohuritë bazë, mbi metodat dhe parimet e shkencore të përgjithshme, si dhe formimin e shprehive të veçanta në: fushën e ekonomisë lokale në zonat rurale, politikave publike dhe hartimit të tyre, si edhe strategjitë ekonomike të zhvillimit të zonave rurale dhe rajonale ne nivel mikro dhe makro ekonomike etj.


VIZIONI

Të  jetë një qendër bashkëkohore studimi, kërkimi dhe transferimi i njohurive, për t’u bërë pjesë integrale e një bote, ku studentët e diplomuar në Fakultetin e Ekonomisë dhe Agrobiznesit të gjejnë veten e tyre dhe të kontribuojnë me dije e profesionalizëm në fushat e ekonomisë bujqësore, zhvillimit rural të integruar, menaxhimit të ndërmarrjeve, financës, kontabilitetit, marketingut, agroturizmit, ekonomisë dhe politikave agrare etj, në dobi të integrimit evropian”.

Prof. Asoc. Dr. Fatmir GURI,

Përgjegjës Departamenti

E-mail:  fatmirguri@ubt.edu.al

Departamenti i Ekonomisë dhe Politikave të Zhvillimit Rural

GMK Ekonomitë e Aplikuara
GMK Politikat e Bujqësisë
GMK Mikro-Makroekonomi

Stafi Ndihmës 

Mimoza LUÇI

E-mail:   mluci@ubt.edu.al
Zyra: Kati 2 _ Godina A
Dep.   Ekonomisë  dhe Politikave të Zhvillimit Rural



 

Bachelor

      Bachelor në “Ekonomi dhe Politikat e zhvillimit rural”  

      Bachelor në “Ekonomiksi i Aplikuar”  


Master Shkencor

      Master Shkencor në “Ekonomi dhe Politikat e Zhvillimit të Qëndrueshëm (Ekonomi Cirkulare)  


Master Profesional

      Master Profesional në “Ekonomi dhe Politika Agrare”  


Master Ekzekutiv

      Master Ekzekutiv në “Planifikim dhe zhvillim ekonomik territorial i zonave rurale”


Master Ekzekutiv në “Planifikim dhe zhvillimi ekonomik territorial i zonave rurale”

Masteri Ekzekutiv është një diplomë e ciklit të tretë të studimeve (niveli i 8 kualifikimit sipas Kornizës shqiptare të kualifikimeve) i drejtohet të gjithë ekonomistëve, juristëve, ekspertëve orgnizimit dhe planifikimit të territorit,ekspertëve të bujqësisë, aktorëve dhe vendimarrësve në nivel lokal dhe qëndror të cilët duan të thellojnë njohuritë e tyre në fushat e ekonomisë, planifikimit të territorit, zhvillimit rural, administrimit dhe zhvillimit lokal, politikave dhe vlerësimit të instrumentave, hartimit dhe vlerësimit të projekteve, teknologjive të informacionit gjeografik, etj. Ky master ekzekutiv është hartuar nga një grup pedagogësh nga disa universitete evropiane (ne Francë, Gjermani dhe Greqi) dhe përmledh informacionet më të përditësuara rreth këtyre fushave sot në botë por me një fokus të veçantë për Shqipërinë. Ky program studimi prej 120 ECTS, zgjat dy vite akademike.
Kriteret e pranimit të kandidatëve në programet e ciklit të tretё të studimeve “Master Ekzekutiv” “Planifikim dhe zhvillimi ekonomik territorial i zonave rurale” janë si më poshtë :
  1. Kanë të drejtë të aplikojnë për t’u regjistruar në këtë program studimi, profesionistë të cilët kanë një eksperiencë pune jo më të shkurtër se dy vite në fushat e ekonomisë, urbanistikës, bujqësisë, mjedisit, drejtësisë, shoqërisë civile si në nivel qendror ashtu edhe në nivel lokal. Eksperienca e punësimit duhet të verifikohet
  2. Kanë të drejtë të aplikojnë për t’u regjistruar në programin e studimeve për të fituar Diplomën “Master Ekzekutiv” individët që kanë përfunduar një program studimi dhe kanë fituar diplomë universitare “Master Shkencor”, ose ”Diplomë tё integruar” në sistemin me kohë të plotë dhe të pjesshme si dhe plotësojnë kriteret akademike si më poshtë vijojnë:
  3. kriterin e meritës. Nota mesatare e ponderuar e studimeve të ciklit të dytё (Master shkencor) ose nё Diplomёn e integruar, të jetë mbi 8.0. Në rast se ka ende kuota të lira, nuk do përjashtohen aplikantët me mesatare më të ulët, por në asnjë rast më të ulët se 7.5.
  4. kriterit e rëndësisë (koeficienti i profilit të studimeve master shkencor sa i takon përputhshmërisë me fushat dhe programet e studimit të FEA_s).
  5. Kuotave të paracaktuara nga FEA.
  6. Njohja nga kandidati e një prej pesë gjuhëve të huaja të Bashkimit Evropian: anglisht, frëngjisht, gjermanisht, italisht, spanjisht në nivelin C1. Nëse individi ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri.

Për më shumë informacion rreth projektit Smart Al që ka mbështetur krijim e kësaj diplome në master Ekzekutiv mund të gjeni në https://www.smartal.uet.edu.al/

Template për temën e diplomës  


Broshurë Informuese